قصص تنموية
” سميرة موسي ” فكرة راقية لعالم راقي
مين الهانم الراقية دي ؟
- دي الحافظة لكتاب الله ، عازفة العود الماهرة ، اول معيدة في كلية العلوم جامعة القاهرة ، عالمة الذرة الجليلة ” سميرة موسي ” .
- تعرف الست دي لو القدر امهلها شوية وقت كانت حتعمل ايه ؟!
- كانت حتنشئ مشروع نووي في مصر سنة 1952 عارف يعني ايه مصر تبدء مشروع نووي في الخمسينيات – تخـــيل – ، مش بس كده وصلت لمعادلة تقدر من خلالها تصنع قنبلة نووية من مواد رخيصة زي النحاس … تعرف يعني ايه قنبلة نووية من معادن رخيصة زي النحاس ، يعني مفيش” دول عالم اول” و “دول عالم تالت ” يعني الروس حتتساوي و يا اما العالم كله يتخلي عن النووي لانه خطر ع الانسانية ونعيش في سلام ، يا اما كل الدول تتسلح بقي ومحدش احسن من حد و يرفعوا ايديهم بقي عن اقدار الشعوب ، وطبعا ده يتعارض مع اللاعيب ” السياسة القذرة” و ” ميزان القوي” و “خزعبلات المعسكر الغربي ” .
- تعرف ليه مكملتش مشروعها ؟
- عشان اغتالوها !
- طبعا القصة الكلاسيكية المعروفة !
- ايووووه كانت في امريكا فـ بعثة وهناك اتبلورت معادلتها اللي كانت حتغير وجه الارض ، عرضوا عليها جنسية و انها تفضل في امريكا رفضت و بعتت لوالدها بتقوله انها حترجع مصر و تشتغل علي مشروعها في معمل في الجيزة … وقبل ما ترجع بأيام كانت فـ زيارة لمفاعل نووي و هي راجعة ظهر – لوري- من اللامكان و خبط العربية اللي كانت فيها بــتعنت وقعت فـ جرف و انطوت صفحتها طي النسيان ، وانطوت معاها فكرة راقية لعالم راقي 🙁
- افتكروهم #علموااولادكم #سلام عليا رواح ابائنا الكرام #فليسقطميزانالقوة #ارفعواايديكمعناقدار_الشعوب
تم نشر هذا المحتوي علي جريدة عالم التنمية برعاية
أكاديمية “بناة
المستقبل” الدولية
برئاسة أم
المدربين العرب – الدكتورة “مها فؤاد” مطورة الفكر الإنساني
و” المنظمة
الامريكية للبحث العلمي”
www.us-osr.org
