بيت العيلة

انا وعيلتى

 
بعد أحلى سلام و أسعد الامنيات
مع خير البدايات
احب اقولكم انى هاكون معاكم انا وعيلتى
هتكلم معاكم من قلبى
واحكيلكم مواقفى وحكاياتى انا وعيلتى
عارفة انها بتشبه مواقفكم بس مع بعض هنفرح بالحلو فيها ونحل مشاكلها ونتقبل مواقفها فى رضا وسعادة انا وانتم مع عيلتى
 
النهاردة الصبح لما صحيت من النوم بصيت لزوجى العزيز
       صباح الخير …..رد صباح الخير
رجعت لقيت معاه تليفون بيتكلم مع فريق العمل الخاص بيه … بيضحك وبيقول صباح الخير بابتسامه جميلة ….عادى
لأ …استنوا ….مش عادى
ده كان بيقولها وهو مبتسم وبنبرة صوت رايقة غير ما قالها ليا . ما كنش مبتسم معايا …؟؟؟
بصراحة سرحت … سكت … زعلت …
راح هو شغله …
وقعدت للحظات مع نفسى افكر ..
ليه ما قليش صباح الخير وهو مبتسم ؟ طب ليه ؟ اشمعنى ؟
طيب انا قلتها ازاى ؟ ما هو انا كمان كنت باقولها عادى مش باضحك … بس عادى يعنى …؟
تفتكروا لو قلتها بابتسامة كان هيرضها بابتسامة ؟
عموما ..
قررت اعمل كده تانى يوم .
وفعلا ..
صحيت بصيت فى وشه وانا مبتسمة
وقلت : صباح الخير
ابتسم ابتسامه اكبر
وقال : صباح الخيرات
 
يعنى
البسمة بالبسمة ……… والبادى اجمل
 
مع حياه كلها ابتسامات
بقلم: داليا محفوظ
#بناة_المستقبل
#أكاديمية_بناة_المستقبل
#راعي_التنمية_بالوطن_العربي

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

12 + عشرة =

شاهد أيضاً

إغلاق
زر الذهاب إلى الأعلى